Azərbaycan, Bakı, 26 fevral / Trend , müxbir S.Süleymanov/
"QazMunayQaz" şirkəti 2010-cu ildə Qazaxıstanın Manqışlaq vilayətinin Bautino qəsəbəsində servis infrastrukturunun yaradılması üzrə bir sıra layihələr həyata keçirmək niyyətindədir. Bu barədə Trend -a "QazMunayQaz" şirkətinin İdarə Heyətinin sədri Kairgeldi Kabıldin bildirib.
"Eyni vaxtda 6-8 kiçik gəminin təmir edilməsi gücünə malik zavod Bautinoda ilk layihədir", - Kabıldin deyib.
Onun məlumatına əsasən, layihənin dəyəri 15 milyon dollar təşkil edir. Tikinti işləri 2010-cu ilin martında başa çatacaq.
"Bautino rayonunda həmçinin kiçik və orta biznesi cəlb edəcək qazma məhlulunun istehsalı üzrə zavod yaradılacaq", - "QazMunayQaz" rəhbəri bildirib. Zavod ildə 52 min ton kubmetr məhlul istehsal etmə gücünə malik olacaq. Layihənin dəyəri 15 milyon dollardır, tikintinin başaçatma müddəti isə 2010-cu ilin sonuna planlaşdırılır.
Kabıldin bildirib ki, planda həmçinin ildə 12 min ton gücündə olan metal konstruksiyalı zavodun yaxınlığında istehsal meydançasının inşası da yer alır. Layihənin dəyəri 38,4 milyon dollar təşkil edir.
