Azərbaycan, Bakı, 27 fevral / Trend , Ü.İsmayılova/
2009-cu ildə Azərbaycanda daşınmaz əmlakın alqı-satqısı üzrə 17407 sövdələşmə bağlanıb. Bu barədə şənbə günü Azərbaycan Əmlak Məsələləri Dövlət Komitəsindən məlumat verilib.
Sövdələşmələrin ümumi həcmindən 1783-ü şəxsi və bağ evlərinin payına, 7947-i mənzillərin, 275-i qeyri-yaşayış binalarının, 6958 -i torpaq sahələrinin payına düşüb. Bu barədə Dövlət Statistika Komitəsindən bildirilib. Ötən il müvafiq olaraq sövdələşmələrin böyük hissəsi - 47 faizi mənzil, 40 faizi torpaq sahələri, 10 faizi şəxsi və bağ evləri, iki faizi qeyri-yaşayış binaları, bir faizi qeyri-yaşayış sahəsinin alqı-satqısı üzrə bağlanıb.
2010-cu ilin yanvarında ölkə boyunca daşınmaz əmlakın alqı-satqısına dair 1350 sövdələşmə bağlanıb. Bunun 145-i şəxsi evlərin, 12-i qeyri-yaşayış sahələrinin, 39 -u qeyri-yaşayış binalarının, 12-i əmlak kompleksi kimi müəssisələrin, 653-ü torpaq sahələrinin, 486-ı mənzil alqı-satqısının payına düşür.
Yanvarda sövdələşmələrin böyük hissəsi - 49 faiz torpaq sahələrinin alqı-satqısı üzrə bağlanıb. Mənzil alqı-satqısı üzrə sövdələşmə 36 faiz, şəxsi və bağ evləri - 11 faiz, qeyri-yaşayış binaları - üç faiz, qeyri-yaşayış sahələri - bir faiz təşkil edib.
