Azərbaycan, Bakı, 19 mart / Trend , müxbir Ü.İsmayılova/
Bu gün Azərbaycan fermerlərinə verilən subsidiyaların həcmi ola bilsin ki, hətta MDB ölkələri arasında ən yüksəkdir. Bunu Azərbaycanın kənd təsərrüfatı naziri İsmət Abasov deyib.
"Bugünün reallıqlarını nəzərə alaraq, Azərbaycan fermerləri üçün subsidiyaların həcmi qənaətbəxşdir. Buna görə də onun artırılmasına zərurət yoxdur", - nazir hesab edir. - "Lakin nazirliyə bu cür müraciət daxil olsa, yaxud subsidiyaların artırılması ilə bağlı zərurət yaranarsa, biz ölkə hakimiyyətinə bu təkilfə müraciət edəcəyik".
Nazir deyib ki, 2009-cu ildə Azərbaycanda dövlət dəstəyi çərçivəsində kənd təsərrüfatı sektoru 3,5 faiz, o cümlədən bitkiçilik 4 faiz və heyvandarlıq 2,8 faiz artıb.
Hazırda Azərbaycanda taxıl istehsalçılarına hər hektara görə 40 manat həcmində subsidiya verilir. Həmçinin motor yağının, yanacaq və mineral gübrələrin əldə edilməsinə 50 faiz güzəşt təqdim edilir.