Gürcüstan, Tbilisi, 16 aprel /Trend, N.Kirsxaliya/
Mart ayında Gürcüstanda pul köçürmələrinin həcmi 81,8 milyon dollar təşkil edib ki, bu da 2009-cu ilinin analoji dövründəki göstəricidən 21,2 milyon dollar, yaxud 35 faiz çoxdur.
Gürcüstan Milli Bankından cümə günü bildirildiyi kimi, həmin dövr ərzində Rusiyadan (13,1 milyon dollar), Yunanıstandan (2,2 milyon dollar), Ukraynadan (1,6 milyon dollar) və həmçinin, digər ölkələrdən pul köçürmələri əhəmiyyətli dərəcədə artıb.
Bütün pul köçürmələrinin 90 faizi həcmi bir milyon dolları ötən səkkiz iri donor-ölkənin payına düşüb. Mart ayı ərzində həyata keçirilən köçürmələrin ümumi həcminin 89,1 faizi həmin səkkiz ölkənin payına düşüb.
Bunlarla yanaşı, Gürcüstandan xaricə mart ayında 7,1 milyon dollar pul köçürülüb. 2009-cu ilin analoji dövründə bu göstərici 6,5 milyon dollar təşkil edib.
