Azərbaycan, Bakı, 17 aprel /Trend/
İslandiyada Eyyafyadlayokudl vulkanınin püskürməsi ilə əlaqədar şənbə günü Avropanın bir sıra hava limanlarının işi dayandırılıb. Avropa üzərində kül buludunun yaranması ilə əlaqədar Bakı - Frankfurt (uçuç saatı 7:15, Bakı vaxtilə), Bakı - London (uçuç 10:00, Bakı vaxtı ilə) reysləri ləğv edilib, - Azərbaycan Hava Yolları QSC-dən Trend-ə bildirilib.
Həmçinin bu gün Bakı vaxtilə 18:05-də Bakı - London reysinin yola salınması planlaşdırılır. Bu barədə hələlik məlumat yoxdur.
Dünən London və Frankfurtdan, bu gün səhər isə Parisdən Bakıya reyslər ləğv edilib.
Lenta.ru-nun məlumatına əsasən, İslandiyada baş verən, tüstüsü Avropanın üzərini böyük bir bulud şəklində bürüyən vulkan ilə əlaqədar Air France Parisə və Parisdən bütün reysləri ləğv edib. Avropa ölkələrinin digər bir çox hava limanları uçuşları ləğv edib.