PremiumBirinci rübdə Azərbaycana idxalın azalması tendensiyası davam edib

Azərbaycan, Bakı, 17 aprel /Trend, müxbir Ü.İsmayılova/

Azərbaycan Dövlət Gömrük Komitəsi (DGK) birinci rübdə dünyanın 112 ölkəsi ilə keçirilmiş xarici ticarət əməliyyatlarının yekunlarını elan edib. Bu barədə şənbə günü Gömrük Komitəsindən məlumat verilib. Ölkənin ümumi əmtəə dövriyyəsinin həcmi 5,668 milyard dollar təşkil edib. Xarici ticarət əməliyyatlarında 3,351 milyard dollarlıq müsbət saldo yaranıb.

Bu dövr ərzində xarici ticarət əməliyyatlarına 3393 hüquqi və fiziki şəxs cəlb olunub ki, onlardan 2149 hüquqi, 1244 isə fiziki şəxsdir.

Ölkənin ixrac əməliyyatları 2009-cu ilin analoji dövrünə nisbətdə 81,65 faiz və ya 2,027 milyard dollar artaraq, 4,509 milyard dollar təşkil edib. İxracda dövlət sektorunun payı 4,197 milyard dollar (93,08 faiz), özəl sektorun payı 300,798 milyon dollar (6,67), fiziki şəxslərin payı isə 11,372 milyon dollar (0,28 faiz) təşkil edib.

Yanvar ayı ərzində idxal 12,6 faiz və ya 166,969 milyon dollar azalaraq, 1,158 milyard dollara çatıb. İdxal əməliyyatlarında dövlət sektorunun payı 325,31 milyard dollar (28,08 faiz), özəl sektorun payı 761,999 milyon dollar (65,78 faiz), fiziki şəxslərin payı isə 71,1 milyon dollar (6,14 faiz) təşkil edib.

Ötən il Azərbaycandan 995 növdə məhsul ixrac olunub, ölkəyə 4050 növdə məhsul idxal olunub.

Aşağıda Azərbaycanın əsas xarici ticarət tərəfdaşlarının siyahısı təqdim olunub:

İxrac

İdxal