Azərbaycan, Bakı, 2 iyun /Trend/
Araz çayının yeni qolunun açılması ilə əlaqədar olaraq Azərbaycan dəmiryolunun bəzi mənzillərində suyun buraxılması üçün boruların qoyulması zərurəti yaranıb. Bunu çərşənbə günü "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib
Cəlilabad-Qırmızıkənd mənzilinin 86-cı kilometrliyində dəmiryolun altında suyun buraxılması üçün 15 boru qoyulub.
İşləri "Azərbaycan Dəmir Yolları" QSC-nin infrastruktur departamenti aparır. Hazırda diametri 180 sm olan 6 boru qoyulub. Bütün işlərin bu həftə ərzində yekunlaşdırılması planlaşdırılır.