Azərbaycan, Bakı, 21 iyun /Trend, müxbir N.İsmayılova/
İtaliya Azərbaycan ilə mal dövriyyəsinin həcmini artırmağa yönəlib. Bu barədəbazar ertəsi İtaliyanın Azərbaycandakı səfirliyinin əlaqələrin inkişaf etdirilməsi şöbəsinin direktoru Luçiano Di Sante deyib.
"Bizim gələcəkdə perspektivlərimiz Azərbaycanla mal dövriyyəsinin həcminin artırılmasına yönəlib. Baxmayaraq ki, son illər bu istiqamətdə biz xeyli müsbət irəliləyişlər əldə etmişik, biz bunun üzərində işi davam etdirəcəyik", - o qeyd edib.
Onun sözlərinə görə, ötən ilin yekunlarına əsasən, Azərbaycandan İtaliyaya ixrac 3,788 milyard dollar, idxal isə 127,725 milyon dollar təşkil edib.
"Azərbaycanın ixracının əsas hissəsini neft ixracı təşkil edib ki, onun da həcmi 3,646 milyard dollar dəyərində müəyyənləşib. İdxal - 10 milyon dollar dəyərində maşın avadanlığı, santexnika 3,738 milyon dollar dəyərində müəyyənləşib", - Di Sante qeyd edib.
Onun fikrincə, İtaliya iqtisadiyyat, tikinti, mebel istehsalı, dizayn sektorlarını əməkdaşlıq üçün perspektivli sahə hesab edir.