Azərbaycan, Şirvan, 22 iyun /Trend, müxbir A.Salmanov/
Kür çayının məcrasından çıxması nəticəsində yaranan fəlakət zonasında hökumət komissiyasının iclası keçirilir. Komissiya Azərbaycanın Sabirabad rayonunda iclas keçirir.
İclasda Azərbaycan Baş nazirinin birinci müavini Abid Şərifov, daxili işlər naziri Ramil Usubov, ekologiya və təbii sərvətlər naziri Hüseynqulu Bağırov, fövqəladə hallar naziri Kəmaləddin Heydərov və "Meliorasiya və Su Təsərrüfatı" ASC-nin rəhbəri Əhməd Əhmədzadə və digər şəxslər iştirak edirlər.
Hazırda iclasda təbii fəlakətin nəticələrinin aradan qaldırılması üzrə görüləcək işlər müzakirə edilir. Köçürüləcək kəndlər və bu məqsədlər üçün ayrılacaq torpaqlar müəyyən edilir.