Azərbaycan, Bakı, 7 iyul /Trend, müxbir Ü.İsmayılova/
Azərsigorta dövlət kommersiya sığorta şirkəti peşə xəstəlikləri və istehsalatda bədbəxt hadisələr nəticəsində əmək qabiliyyətinin itirilməsindən icbari sığorta üçün fəaliyyətin bu növləri ilə məşğul olan beş sığorta şirkətinin seçilməsini səmərəli hesab edir.
"Belə xidmətlərin göstərilməsi üçün beş şirkətin seçimi effektiv olardı", - "Azərsığorta"nın sədr müavini Aftandil Hacıyev belə hesab edir.
Onun sözlərinə görə, əsasən icbari sığorta üzrə ixtisaslaşmış "Azərsığorta" dövlət şirkəti sığorta edənin başqa sığorta şirkətinə müraciət edəcəyini bəyan edərək sığortadan imtina etməsi halı ilə dəfələrə qarşılaşıb. Əslində isə sığorta edən sadəcə olaraq sığortadan yayınır.
"Düşünürəm ki, belə halların qarşısını almaq, eləcə də icbari sığorta xidmətinin yeni növünün tətbiqi üçün həyat sığortası üzrə ixtisaslaşmış beş şirkəti seçmək lazımdır", - Hacıyev deyib.
Peşə xəstəlikləri və istehsalatda bədbəxt hadisələr nəticəsində əmək qabiliyyətinin itirilməsi üzrə maksimum sığorta tarifləri əməkhaqqı fondunun iki faizinədək məbləğdə müəyyən edilib. Müxtəlif sektorlar üzrə tariflər fərfqləndiriləcək.
Bir az əvvəl Maliyyə Nazirliyi yanında Dövlət Sığorta Nəzarəti Xidmətinin rəhbəri Namiq Xəlilovun dediyi kimi, bu gün Azərbaycanda 4 sığorta şirkəti - Paşa Sığorta, Atəşgah Həyat, Standard Insurance və Ata Sığorta həyat sığortası ilə məşğul olmaq hüququna malikdirlər.
