Аzərbaycan, Bakı, 9 iyul /Trend, müxbir N.İsmayılova/
Azərbaycan Əmlak Məsələləri Dövlət Komitəsi "Qazax-Konserv" ASC-nin konservləşdirilmiş məhsullarının istehsalı üzrə müəssisənin səhmlərinin 30,47 faizinin satışı barədə investisiya müsabiqəsinin yekun nəticələrini açıqlayıb.
İnvestisiya müsabiqəsinin qalibi fiziki şəxs olub.
Müsabiqənin şərtlərinə əsasən, sərmayəçiyə dövlət büdcəsinə 180 min manat köçürmək tapşırılıb. Sərmayə proqramı üzrə müsabiqənin qalibi üç ay ərzində müəssisəyə 150 min manat yatıracaq. Sərmayələr müəssisənin istehsal prosesinin yenidən qurulması və bərpa işlərinin aparılması, həmçinin müasir avadanlğın quraşdırılmasına yönəldiləcək. ASC-yə yatırılan sərmayələr satış yolu ilə konservləşdirilmiş məhsulların istehsalının genişləndirilməsinə və tərəvəzlərin saxlanılması üçün soyuducu kameraların quraşdırılmasına imkan verəcək.
Sərmayə layihəsinə uyğun olaraq, istehsalın bərpası və inkişafı 50 yeni iş yerinin açılmasına şərait yaradacaq.
Müsabiqə çərçivəsində sərmayələr və müasir texnologiyaların cəlb olunması, müəssisələrin müasir tələbata cavab verən istehsal sahələrinin yenidən qurulması vasitəsilə konservləşdirilmiş məhsulların istehsalını genişləndirmək və yeni iş yerlərinin açılması, işçilərin sosial təminatına şərait yaratmaq üzrə təkliflər təqdim olunmalı idi.
