Azərbaycan, Bakı, 12 iyul /Trend, müxbir Ü.İsmayılova/
Avqustda Azərbaycan-Türkiyə sığorta şirkəti "Başak İnam Sığorta Şirkəti"nin növbəti iclasında nizamnamə kapitalının hazırkı iki milyon manatdan 3,5 milyon manatadək artırılması məsələsi müzakirə ediləcək. Bankın nizamnamə kapitalı Azərbaycan Maliyyə Nazirliyi tərəfindən 2011-ci il yanvarın 1-dək ümumi kapitalın minimum məbləği tələbinə uyğun müəyyənləşib. Bu barədə bazar ertəsi şirkətin idarə heyətinin sədri Hikmət Allahverdiyev bildirib.
"Şirkətin kapitalının 2009-cu ilin gəliri və səhmdarların əlavə yatırımları hesabına hissə-hissə artırılması planlaşdırılıb", - Allahverdiyev deyib.
Onun sözlərinə görə, səhmdarların növbəti ümumi iclasında 2009-cu il üzrə fəaliyyətin maliyyə göstəriciləri müzakirə ediləcək və "Başak İnam Sığorta Şirkəti"nin Direktorlar Şurasının xarici səhmdarlarından birinin təqaüdə çıxması ilə əlaqədar yeni namizədin təsdiqlənəcəyi də gözlənilir.
"Başak İnam Sığorta Şirkəti"nin səhmdarları Türkiyənin "Groupama Sigorta AŞ" şirkətidir. 1996-cı ildən fəaliyyət göstərən "Başak-İnam" birgə sığorta şirkəti 31 növ sığorta xidməti göstərir. "Başak İnam Sığorta Şirkəti"nin istiqrazları yanvar-may aylarının yekunlarına görə, 0,34 milyon manatlıq ödənişlə 1,01 milyon manat təşkil edib.
İyulun 12-nə olan rəsmi məzənnə 0,8038 AZN/USD təşkil edir.
