Azərbaycan, Bakı, 19 iyul /Trend, müxbir A.Axundov/
Azərbaycanın Tehrandakı səfiri Cavanşir Axundov bazar günü iranlı biznesmenlərlə görüşdə öz ölkəsinin İranla ticari-iqtisadi əlaqələrin inkişafında ruh yüksəkliyini qeyd edib. Bu barədə Fars informasiya agentliyi məlumat yayıb.
"Biz İranla Azərbaycan arasında münasibətlərin, xüsusilə də ticarət və iqtisadi əlaqələrin genişləndirilməsinə çalışırıq", - Cavanşir Axundov bildirib.
Azərbaycanlı diplomat ölkələr arasında ticarət əlaqələrinin hazırkı vəziyyətinin qənaətbəxş olmadığını və Azərbaycanla İran arasında illik mal dövriyyəsinin hazırkı 600 milyon dollardan 10 milyardadək arta biləcəyini qeyd edib.