Gürcüstan, Tbilisi, 22 iyul /Trend, müxbir N.Kirsxaliya/
Azərbaycanın "Embawood Georgia" şirkəti iyulun 22-də Tbilisidə yeni mebel salonunu açıb. Orada 2 min kvadratmetrlik ərazidə şirkətin istehsal etdiyi bütün mebel çeşidi nümayış olunacaq.
Şirkətin 16 mebel salonunda 10 min kvadratmetrdən çox şəbəkəsi var. Bu, Gürcüstanda miqyasına görə ən böyük sərgi salonudur. 2010-cu ilin sonunadək şəbəkənin 15 min kvadratmetrədək artırılması planlaşdırılıb. Salonların sayı isə ən azı 20-dək artırılacaq.
Şirkətin menecmentinin məlumatına görə, istehlakçıların diqqətinə yenilənmiş interyer təqdim edilib. Orada başqa aksesuarlarla yanaşı, məişət texnikası da nümayiş etdiriləcək ki, bu da istehlakçıya ev interyerinə uyğun düzgün mebel seçimində kömək edəcək.
"Embawood Georgia" Gürcüstanda əlverişli qiymətlərlə istehlakçıların zövqünü təmin edərək, 2007-ci ildən etibarən bütün növ mebel istehsal edir. Hazırda "Embawood Georgia" şirkəti ilin sonunadək gücü əlavə olaraq 30 faiz artırılacaq mebel fabrikinə və yarımfabrikatlara malikdir.
"Embawood" sərgi salonlarında istehlakçılar istədikləri yataq, yumşaq, mətbəx, qonaq otağı, uşaq mebelini, masa, stul və digər aksesuarlar seçə bilərlər. Şirkətin məhsulunun 50 faizi Qazaxıstan, Türkmənistan və Tacikistana ixrac edilir. İlin sonunadək istehsal gücünün artrılması yolu ilə alıcılara həm Gürcüstanda, həm də ixracda daha rəngarəng çeşidin təkilf edilməsi planlaşdırılıb.