Azərbaycan, Bakı, 23 avqust /Trend, müxbir N.İsmayılova/
"Gandja Bank" ölkənin Mərkəzi Bankına Bakıdakı şöbəsinin filiala çevrilməsi üzrə lisenziya almaq məqsədilə müraciət edib. Bu barədə bazar ertəsi bankdan məlumat verilib.
"Bank artıq AMB-yə rəsmi müraciət göndərib və indi qərar gözləyir", - bankdan bildiriblər.
"Gandja Bank"dan xəbər veriblər ki, ilin sonunadək bankın yeni filiallarının açılması planlaşdırılmır.
Bankın 2010-cu il üzrə fəaliyyət planına müştərilərə daha geniş çeşiddə xidmətlər göstərilməsi üçün Bakı şöbəsinin filiala çevrilməsi daxildir. Bu gün şöbədə pul köçürmələrinin həyata keçirilməsi və hesab açılması kimi xidmətlər göstərilir, hələlik kreditlərin verilməsi mümkün deyil.
"Gandja Bank" 1994-cü ildən fəaliyyət göstərir. Baş ofis Gəncə şəhərində yerləşir. Bankın nizamnamə kapitalı 15 milyon manat təşkil edir. Bu gün Gəncə, Şəmkir, Bərdə və Kəpəzdə bankın 4 filialı fəaliyyət göstərir.
Avqustun 23-nə rəsmi məzənnə 0,8038 AZN/USD təşkil edir.