Azərbaycan, Bakı, 28 avqust /Trend, müxbir N.İsmayılova/
Avqustun 1-nə Azərbaycan iqtisadiyyatının milli valyutada bank kreditləşməsi üzrə orta faiz dərəcəsi 15,93 faiz təşkil edib. Bu göstərici iyulun 1-də 16,06 faiz, 2009-cu il avqustun 1-də isə 15,34 faiz olub. Bu barədə Azərbaycan Mərkəzi Bankın (AMB) məlumatında deyilir.
Avqustun 1-nə xarici valyutada bank kreditləşməsi üzrə orta faiz dərəcəsi 17,53 faiz, iyulun 1-nə 17,12 faiz, avqustun 1-nə isə 16,39 faiz təşkil edib.
Avqustun əvvəlində hüquqi şəxslərin milli valyutada bank kreditləşməsi üzrə orta faiz dərəcəsi 14,37 faiz, iyulun 1-nə 14,46 faiz, 2009-cu ilin əvvəlinə isə 12,74 faiz təşkil edib. Korporativ müştərilərin xarici valyutada bank kreditləşməsi üzrə orta faiz dərəcəsi 14,70 faiz təşkil edib. Bu göstərici iyulun 1-də 14,53 faiz və 2009-cu il avqustun 1-nə isə 13,79 faiz olub.
Hesabat dövrü ərzində fiziki şəxslərin milli valyutada bank kreditləşməsi üzrə orta faiz dərəcəsi 19,61 faiz təşkil edib. Bu göstərici iyulun 1-də 19,91 faiz, 2009-cu il avqustun 1-də isə 20,83 faiz olub. Fərdi şəxslərin xarici valyutada bank kreditləşməsi üzrə orta faiz dərəcəsi 23,26 faiz təşkil edib. Bu göstərici müvafiq olaraq 23,17 və 22,19 faiz təşkil edib.
