Azərbaycan, Bakı, 15 oktyabr /Trend, müxbir А.Axundov/
Azərbaycan İqtisadi İnkişaf Nazirliyinin Bakı Biznes Tədris Mərkəzinin təşkilatçılığı ilə cümə günü Ağdaş rayonunda "Regionlarda sahibkarların maarifləndirilməsi" mövzusunda növbəti tədbir keçirilib. Bu barədə nazirliyin məlumatında deyilir.
Tədbirdə İqtisadi İnkişaf Nazirliyinin, Ağdaş rayon İcra Hakimiyyətinin və Bakı Biznes Tədris Mərkəzinin nümayəndələri, həmçinin 100-ə yaxın sahibkar iştirak edib.
Bakı Biznes Tədris Mərkəzinin direktor müavini Rahim Mürsəlov sahibkarların və sahibkarlıq fəaliyyətinə yeni başlamaq istəyənlərin maarifləndirilməsi, onların zəruri nəzəri biliklərə və praktiki bacarıqlara yiyələnməsi, beynəlxalq təcrübənin öyrənilməsi, sahibkarlıq subyektlərinə tədris-metodiki, innovasiya və konsaltinq xidmətlərinin göstərilməsi istiqamətində Mərkəzin gördüyü işlər barədə məlumat verib.
Sahibkarlara biznesdə risklərin idarə edilməsi və biznesin sığortalanması mövzusunda, həmçinin /www.b2b.az/ elektron ticarət portalı haqqında məlumat verilib.