Azərbaycan, Bakı, 16 noyabr /Trend/
Yanvar-sentyabr aylarında Azərbaycana bir milyon tondan çox sement və sement klinkerləri idxal edilib ki, bu da ötən ilin analoji dövr göstəricisindən 22,3 faiz azdır. Bu barədə Dövlət Statistika Komitəsinin məlumatında deyilir.
Yanvar-sentyabrda 49,4 milyon dollardan artıq sement və sement klinkerləri idxal olunub ki, bu da 2009-cu ilin müvafiq dövr göstəricisindən 1,3 faiz azdır.
Yanvar-sentyabrda 418,3 min ton sement klinkerləri idxal edilib ki, bu da ötən ilin analoji dövr göstəricisindən 17,3 faiz azdır. 19,6 milyon dollara yaxın isə klinker idxal edilib. Bu, 2009-cu ilin analoji dövr göstəricisindən 21,8 faiz çoxdur.
Yanvar-sentyabr ayları ərzində ölkəyə 659,9 min ton sement idxal edilib ki, bu da ötən ilin analoji dövr göstəricisindən 25,1 faiz azdır. Bu dövr ərzində 29,8 milyon dəyərində sement gətirilib ki, bu da 2009-cu ilin yanvar-sentyabrında qeydə alınan göstəricidən 12,2 faiz azdır.
Yanvar-sentyabrda Azərbaycanda 1 milyon tondan çox sement istehsal edilib. Bu, ötən ilin analoji dövr göstəricisindən 3,4 faiz azdır.