Azərbaycan, Bakı, 18 noyabr /Trend, müxbir N.İsmayılova/
2010-cu il noyabrın 1-ə Azərbaycan bankı "Texnikabank"ın aktivləri oktyabr ayı ərzində 0,6 faiz azalaraq 470,24 milyon manat təşkil edib. Aktivlər üzrə gəlirlilik (ROA) 1,49 faiz, kapital üzrə isə (ROE) 11,24 faiz təşkil edib.
Bankın nizamnamə kapitalı 53,69 milyon manat, məcmu kapitalı isə 62,75 milyon manat olub.
Oktyabr ərzində bankın depozit portfeli 1,5 faiz artaraq 222,38 milyon manat, o cümlədən fiziki şəxslərin əmanətləri 163,66 milyon manat təşkil edib. Bankın ümumi öhdəlikləri 391,94 milyon manat səviyyəsində olub.
"Texnikabank"ın kredit portfeli 7,4 faiz artaraq 337,19 milyon manat təşkil edib ki, burada problemli kreditlərin sayı (ödəmə müddəti 90 günü ötmüş) 4,81 faizə (16,21 milyon manat) təşkil edib. "Texnikabank" 37,04 milyon manat həcmində istehlak kreditləri verib.
Hesabat dövründə bankın gəlirləri 51,013 milyon manat, faiz gəlirləri 40,5 milyon manat, qeyri-faiz gəlirləri isə 10,51 milyon manat təşkil edib. Bankın xərcləri 44,09 milyon manat olub.
2010-cu il noyabrın 1-nə olan vəziyyətə görə, bankın xalis mənfəəti 6,9 milyon manat təşkil edib.
Noyabrın əvvəlinə bankın aktiv plastik kartlarının sayı 47 959 ədəd təşkil edib. Ölkə üzrə "Texnikabank"da 60 bankomat, 172 POS-terminal quraşdırılıb. Bank 35 filiala və beş şöbəyə malikdir.
"Texnikabank" ölkənin bank bazarında 1993-cü ildən fəaliyyət göstərir, 2007-ci ilədək 100 faizli Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.
Noyabrın 18-nə olan rəsmi məzənnə 0,8002 AZN/USD təşkil edir.