Gürcüstan, Tbilisi, 18 noyabr /Trend, müxbir N.Kirsxaliya/
Noyabrın 18-19-da Tbilisidə Cənubi Qafqaz regionunda yoxsulluqla mübarizə və torpaqların deqradasiyasının azaldılması məqsədilə torpaq ehtiyatlarının davamlı idarəsinə yanaşmanın inkişafı üzrə regional konfrans keçirilir.
"Birinci regional konfransın əsas məqsədi təcrübə mübadiləsi, mövcud sahədə nailiyyətlər və işlər məqsədilə bütün iştirakçı dövlətlər, maraqlı tərəflər, ekspertlər və KİV nümayəndələrinin birləşməsindən ibarətdir", - məlumatda deyilir.
Konfransda ekoloji sistemin funksiyalaşdırılmasının davamı, yoxsulluğun miqyasının azaldılması, səhralaşma ilə mübarizə, təbii resurslar bazasının möhkəmlənməsi və kənd təsərrüfatı sahəsinin aktivləşdirilməsi yolu ilə Cənubi Qafqaz ölkələrində ərzaq təhlükəsizliyi və fermerlərin gəlirlərinin təminatı məsələləri müzakirə olunacaq.
Konfransda Azərbaycan, Ermənistan və Gürcüstandan Ətraf Mühitin Mühafizəsi Nazirliyinin nümayəndələri, qanunverici orqanlar, torpaq idarəetməsi məsələləri ilə bağlı hökumət strukturları, beynəlxalq təşkilatlar, təşkilat-donorlar, qeyri-hökumət təşkilatları, akademik dairələr, biznes sahəsi, yerli icmalar və digər maraqlı şəxslər iştirak edirlər.