Azərbaycan, Bakı, 18 noyabr /Trend, müxbir N.İsmayılova/
Azərbaycan ümumi vergi göstəricisi üzrə dünyanın 183 ölkəsi arasında 95-ci yeri tutub. Bu barədə Dünya Bankı, Beynəlxalq Maliyyə Korporasiyası və PricewaterhouseCoopers auditor şirkəti tərəfindən hazırlanmış "Paying Taxes 2011" ("Vergi ödənişləri 2011") hesabatında deyilir. Araşdırmalar "Doing Business 2011: sahibkarlıq üçün şərtlərin yaxşılaşdırılması" hesabatının hazırlanması çərçivəsində aparılıb.
Azərbaycan vergi ödənişlərinin sadələşdirilməsi üzrə reytinqdə 103-cü, vergi ödənişləri üzrə 60-cı, vergi öhdəliklərinin zamanla icrası üzrə isə 128-ci yeri tutur.
"Ölkə 40,9 faiz təşkil edən ümumi vergi qoyuluşu üzrə 95-ci yeri tutur",- hesabatda deyilir.
Ölkə ümumi vergi ödənişləri üzrə 18-ci, gəlirə görə vergi ödənişləri üzrə birinci, digər vergi ödənişləri üzrə isə beşinci yeri tutub.
Hesabatda deyildiyi kimi, Azərbaycan 2007-ci ildə elektron sistem və ƏDV-nin onlayn-ödənişini tətbiq edib. Azərbaycanda doqquz növ vergi var.
Ümumi vergi tarifinin optimal qiymətini 30-35 faiz vergi tutulan gəlir təşkil edir.
