Azərbaycan, Bakı, 6 dekabr /Trend/
Azərbaycanın Nazirlər Kabineti idxal olunan taxılın, meslinin (buğda və çovdarın qarışığı), buğda və çovdar ununun ƏDV-dən azad olunması barədə qərar qəbul edib. Bu barədə NK-nın bazar ertəsi yaydığı məlumatda deyilir.
Bu qərar imzalandığı gündən (dekabrın 3-dən) qüvvəyə minir və 2011-ci il avqustun 1-dək qüvvədə olacaq.
Qərar İqtisadi İnkişaf, Kənd Təsərrüfatı, Fövqəladə Hallar, Maliyyə, Vergilər nazirliklərinin və Dövlət Gömrük Komitəsinin razılaşdırılmış təklifi əsasında qəbul edilib.
2008-2015-ci illərdə Azərbaycan əhalisinin ərzaq məhsulları ilə etibarlı təmin olunması üzrə Dövlət Proqramına uyğun olaraq, ölkədə taxıl istehsalı ildə 2,8 milyon ton səviyyəsində təmin olunmalıdır. 2010-cu ildə ötən ildəkinə nisbətən 147 min hektar az torpaq əkilib.
Azərbaycanda ƏDV 18 faiz təşkil edir.