Azərbaycan, Bakı, 15 dekabr /Trend, müxbir A.Axundov/
Noyabrda Türkiyədə büdcə kəsiri ötən ilin analoji dövr göstəricisi ilə müqayisədə 8,6 dəfə azalaraq 365 milyon lirə təşkil edib. Bu barədə çərşənbə günü Türkiyənin Maliyyə Nazirliyi məlumat verib. 2009-cu ilin noyabrında bu göstərici 3,124 milyard lirə təşkil edib.
Məlumata görə, noyabrda büdcə xərcləri 25,7 milyard lirə təşkil edib ki, bu zaman gəlirlər 25,3 milyard lirə səviyyəsində olub. İl ərzində vergi daxilolmaları 46,9 faiz artaraq noyabrda 22,2 milyard lirə olub.
Yanvar-noyabrda büdcə xərcləri 255,7 milyard lirə, gəlirləri isə 232,2 milyard lirə təşkil edib. Hesabat dövründə büdcə kəsiri 23,4 milyard lirə səviyyəsində olub.
Dekabrın 15-nə olan rəsmi məzənnə 1,5009 YTL/USD təşkil edir.
