Azərbaycan, Bakı, 10 yanvar /Trend, müxbir Ü.İsmayılova/
Azərbaycanın "Günay Sığorta" şirkəti 2010-cu ildə 643,133 min manat məbləğində müqavilə imzalayıb. Bu barədə bazar ertəsi şirkətin idarə heyətinin sədri vəzifəsini müvəqqəti icra edən Vüqar Rəcəbov deyib.
"Şirkətin sığorta haqları ötən il 505,885 min manat təşkil edib və bu imzalanmış müqavilə üzrə olan məbləğdən aşağıdır, belə ki, ödənişlər 2011-ci ilə keçirilib", - Rəcəbov bildirib.
Şirkətin 2010-cu ilə ödənişləri 166,188 min manat təşkil edib, Rəcəbov deyib.
2009-cu ildə "Günay Sığorta" 0,18 milyon manat ödənişlə 1,53 milyon manat toplayıb.
1992-ci ildən fəaliyyət göstərən "Günay Sığorta"nın yeganə səhmdarı Azərbaycanın səhmdar bankı "Günay Bank"dır. Şirkətin nizamnamə kapitalı iki milyon manat təşkil edir.
Yanvarın 10-na olan rəsmi məzənnə 0,7976 AZN/USD təşkil edir.
