Azərbaycan, Bakı, 7 mart /Trend, müxbir N.İsmayılova/
Fevralın 1-nə Azərbaycan iqtisadiyyatının milli valyutada bank kreditləşməsi üzrə orta dərəcəsi 16,4 faiz təşkil edib. Bu göstərici 2011-ci il yanvarın 1-nə 16,37 faiz, 2010-cu il yanvarın 1-nə 15,92 faiz olub. Bu barədə bazar ertəsi Azərbaycan Mərkəzi Bankından (AMB) bildiriblər.
Xarici valyutada bank kreditləşməsi üzrə orta dərəcə müvafiq olaraq 16,86, 17,31 və 17,19 faiz olub.
Fevralın əvvəlində hüquqi şəxslərin milli valyutada bank kreditləşməsi üzrə orta dərəcəsi müvafiq olaraq 14,4, 14,4 və 14,14 faiz təşkil edib. Korporativ müştərilərin xarici valyutada bank kreditləşməsi üzrə orta dərəcəsi müvafiq olaraq 13,63, 14,2 və 14,65 faiz olub.
Hesabat dövründə milli valyutada fiziki şəxslərin bank kreditləşməsi üzrə orta dərəcəsi müvafiq olaraq 19,85, 19,84 və 20,54 faiz olub. Xarici valyutada fərdi müştərilərə bank kreditləşməsi üzrə orta dərəcə müvafiq olaraq 23,87, 23,73 və 23,27 faiz təşkil edib.