Azərbaycan, Bakı, 15 mart /Trend, müxbir N.İsmayılova/
"Moody's Investors Service" beynəlxalq reytinq agentliyi çərşənbə axşamı Azərbaycan bankı "Bank Respublika"ya E+ (BFSR) maliyyə sabitliyi reytinqi, milli və xarici valyutada olan depozitlərin B2 uzunmüddətli depozit reytinqi və "Not Prime" qısa müddətli depozit reytinqini verib. Trend-in məlumatına görə, bu barədə agentliyin məlumatında deyilir.
Moody's-in məlumatına görə, bankın reytinqi bankın nisbətən kiçik ölçüsü və xarici valyutada kreditləşməyə yüsək sadiqliklə saxlanır. Reytinqlər likvidlik və kapitallaşdırma daxil olmaqla, yüksək maliyyə göstəricilərini əks etdirir.
2010-cu ildə "Bank Respublika"nın xalis itkiləri 2,2 milyon manat təşkil edib və bankın rentabelliyi mümkün itkilərə görə ehtiyatın yüksək səviyyəsi, eləcə də kredit portfelinin azalması ilə bağlı olan əsas gəlirlərin enməsi səbəbindən pisləşib.
2010-cu ildə bankın kreditləri üzrə riskin səviyyəsi artsa da, Moody's hesab edir ki, bank artıq kreditlər üzrə gözlənilən itkiləri əhəmiyyətli dərəcədə ödəyib və agentlik gözləmir ki, mümkün itkilərin ehtiyatları 2011-ci ildə rentabelliyi məhdudlaşdıra bilsin. Bundan başqa, bankın rentabelliyi kreditləşmənin artımı və nisbəytən sabit faiz gəlirinin balansında yüksəkgəlirli aktivlərin payının artması ilə saxlanacaq.
Bankın məlumatına görə, işləməyən kreditlərin səviyyəsi (vaxtı 90 gündən çox ötən) "Bank Republika"nın 2010-cu ildəki kredit portfelinin ümumi həcminin 6,5 faizinə yaxındır və gözlənilir ki, 2011-ci ildə yeni kreditlər və problemli kreditlərin ödənilməsi hesabına tədricən azalacaq. Moody's onu da qeyd edir ki, hazırda bankın kapitallaşdırılması adekvat səviyyədədir.
Moody's onu da izah edib ki, bankın reytinqləri qısamüddətli və ortamüddətli perspektivdə məhdud artım potensialına malikdir. Reytinqlərin istənilən artımı bankın öz franşizlərini möhkəmləndirmək, eləcə də maliyyə əsasının davamlı yaxşılaşdırılması bacarığından asılı olacaq.
"Bank Respublika" üçün Moody's-in son reytinq dəyişikliyi 2008-ci il noyabrın 19-da olub. O zaman Moody's "Bank Respublika"nın yerli və xarici valyutada uzunmüddətli və qısamüddətli depozitlər üzrə B2 reytinqi üzrə proqnozunu "Müsbət"dən "Sabit"ə dəyişmişdi.
2010-cu ilin sonuna olan vəziyyətə görə, bankın ümumi aktivləri 318 milyon dollar, nizamnamə kapitalı isə 53 milyon dollar təşkil edir.
