Azərbaycan, Bakı, 22 aprel /Trend, müxbir N.İsmayılova/
Azərbaycan İqtisadi İnkişaf Nazirliyi yanında Sahibkarlığa Kömək Milli Fondunun (SKMF) Müşahidə Şurası üç kredit təşkilatının agent kimi üzvlüklə bağlı müraciətini bəyənib. Trend-in məlumatına görə, bu barədə fondun icraçı direktoru Şirzad Abdullayev deyib.
"Fondun agenti 3 iri kredit ittifaqı - "Kömək" (Füzuli rayonunda fəaliyyət göstərir), "Tərəkəmə" (Xocavənd) və "Aşıqlı" (Beyləqan) olub. Beləliklə, kredit ittifaqlarının - fondun müvəkkil agentlərinin sayı 7-yə, agentlərin ümumi sayı isə 39-a çatıb", - Abdullayev bildirib.
Onun sözlərinə görə, bu kredit ittifaqları Bakı qəsəbələrində və bank filiallarının olmadığı yerlərdə kreditlər verəcəklər.
"Kömək" cümə günü Bakıda keçirilən kredit yarmarkası çərçivəsində Nardaran qəsəbəsinin sakinlərinə artıq kredit verib", - o bildirib.
Hazırda fondun 31 bank, 1 bank olmayan kredit təşkilatı və 7 kredit ittifaqı təşkilatın müvəkkil kredit təşkilatlarıdır.
