Azərbaycan, Bakı, 27 aprel /Trend, müxbir A.Axundov/
2011-ci ildə Azərbaycanın turizm bazarında artım gözlənilir. Bu barədə çərşənbə günü Azərbaycan Mədəniyyət və Turizm Nazirliyinin turizm departamentinin rəhbəri Aydın İsmiyev deyib.
"Bu il artım olacaq, ən azı azalma olmayacaq", - İsmiyev qeyd edib.
Onun sözlərinə görə, bunda müsbət rolu iyulun 1-dən etibarən qüvvəyə minəcək "Ölkədən getmə, ölkəyə gəlmə və pasportlar haqqında" qanuna edilən dəyişikliklər oynayacaq.
Bu dəyişikliklərin əsas üstünlüyü ondan ibarətdir ki, belə vizalar həm teleqraf poçtu, həm də elektron qaydada rəsmiləşdirilə bilir. Vizanın verilməsindən imtina edildikdə, bunun əsaslandırılmış səbəbləri göstərilməlidir. Bu halda turistlərə gəliş-gediş üçün birdəfəlik vizalar verilə bilər, bu vizalar üzrə ölkədə qalma müddəti isə 30 gün səviyyəsində müəyyənləşdirilib.
"2008-ci ilədək turizm bazarının ortaillik artımı 25-30 faiz təşkil edib, lakin sonradan dünya iqtisadi böhranı ilə əlaqədar artım 1,5-2 faizədək azalıb. Ötən il turizm bazarının artımı 4-5 faiz olub", - İsmiyev bildirib.