Azərbaycan, Bakı, 3 may /Trend, müxbir A.Axundov/
Azərbaycanda buğda idxalının azalması ölkənin xarici ticarət göstəricisinə təsir edib. Trend-in məlumatına görə, bu barədə çərşənbə axşamı jurnalistlərə Azərbaycan Dövlət Gömrük Komitəsinin (DGK) rəhbəri Aydın Əliyev bildirib.
"Bir çox ixracatçı ölkələr ixrac həcmlərini azaldıblar ki, bu da Azərbaycan tərəfindən buğda idxalının həcmlərinə təsir edib", - Əliyev deyib.
Yeri gəlmişkən, 2011-ci ilin birinci rübündə Azərbaycan 104,212 milyon dollar məbləğində buğda idxal edib ki, bu da ümumi idxalın 5,51 faizini təşkil edir və ötən ilin müvafiq dövr göstəricisini 2,36 dəfə üstələyir.
Bununla yanaşı, DGK rəhbərinin sözlərinə görə, xarici ölkələrdə inflyasiya idxal olunan məhsullar vasitəsilə keçir ki, bu da ölkənin xarici ticarət göstəricilərinə təsir edir.
Əliyevin sözlərinə görə, buna baxmayaraq, idxal olunan malların, xüsusilə də texniki avadanlıqlar və digər bahalı məhsulların miqdarı artıb.
İlk üç ay ərzində Azərbaycandan 1106 növdə mal ixrac olunub, 4337 növdə mal isə idxal olunub.
"Aydındır ki, neftin qiymətlərində artım ölkə ixracının göstəricilərini artırıb", - Əliyev bildirib.
DGK-nin məlumatına görə, yanvar-mart aylarında Azərbaycan dünyanın 116 ölkəsi ilə xarici ticarət əməliyyatları aparıb.
Ölkənin əmtəə dövriyyəsinin ümumi həcmi 7,336 milyard dollar təşkil edib ki, bu da ötən ilin müvafiq dövründəkindən 32,15 faiz çoxdur.
Xarici ticarət dövriyyəsindən 3,553 milyard dollar həcmində müsbət saldo yaranıb.
İlin ilk üç ayı ərzində ixrac əməliyyatları 5,445 milyard dollar təşkil edərək 2010-ci ilin analoji dövründəkinə nisbətən 23,97 faiz artıb. İxrac əməliyyatlarında dövlət sektorunun payı 5,198 milyard dollar (95,48 faiz), özəl sektorun payı 0,23 milyard dollar (4,22 faiz), fiziki şəxslərin payı isə 16,307 milyon dollar (0,23 faiz) təşkil edib.
Hesabat dövründə 270,724 milyon dollar həcmində (il ərzində azalma 10,62 faiz) ixrac olunub ki, bu da ölkənin ümumi ixracının 4,97 faizini təşkil edir.
Yanvar-mart ayları ərzində idxal 1,892 milyard dollar təşkil edib ki, bu da ötən ilin analoji dövrü ilə müqayisədə 63,1 faiz çoxdur. İdxal əməliyyatlarında dövlət sektorunun payı 0,706 milyard dollar (37,3 faiz), özəl sektorun payı 1,094 milyard dollar (57,83 faiz), fiziki şəxslərin payı isə 92,187 milyon dollar (4,87 faiz) təşkil edib.
