...

Dünya Bankına Azərbaycan sığortaçıları üçün maarifləndirmə proqramını maliyyələşdirmək təklif edilib

Biznes və iqtisadiyyat xəbərləri Materials 10 İyun 2011 16:41 (UTC +04:00)

Azərbaycan, Bakı, 10 iyun /Trend, müxbir A.Axundov/

Azərbaycan Sığortaçılar Assosiasiyasının (ASA) Təhsil komitəsi Türkiyənin Təhsil İnstitutu ilə sığortaçıların 2012-ci il üçün tədrisi üzrə layihənin hazırlanması ilə bağlı iş aparır. Bu barədə cümə günü Trend-ə Azərbaycan Sığortaçılar Assosiasiyasının icraçı direktoru Azər Əliyev deyib.

"Bu layihənin mahiyyəti sığortaçılar üçün təlim proqramının hazırlanmasıdır. Bu yaxınlarda bu məsələ ilə bağlı Dünya Bankının nümayəndələri ilə görüşlər keçirilib", - Əliyev bildirib.

Onun sözlərinə görə, təhsillə yanaşı, Azərbaycanın sığorta bazarının Türkiyədən öyrənə biləcəyi çox şey var.

"Bu, xüsusilə kütləvi satış, yəni fiziki şəxlərə satış üçün lazım olan sığorta məhsulunun müəyyənləşdirilməsi ola bilər. Bunlar agent şəbəkələrinin qurulması üzrə texnologiyalar da ola bilər. Onlar sığorta xidmətlərinin mövcud korporativ və bank üsulları ilə yanaşı, klassik satış üslulunu da inkişaf etdirməyə imkan verəcək", - Əliyev bildirib.

İcraçı direktorun sözlərinə görə, Azərbaycanda bəzi ekspertlərin deməsinə baxmayaraq, sığorta şirkətlərinin agent şəbəkələri yaxın vaxtlaradək olmayıb.

"Və əlbəttə ki, Türkiyənin təcrübəsi qərarların qəbul edilməsində və üzərimizə götürdüyümüz öhdəliklərin yerinə yetirilməsində daha məsuliyyətli olmağa, eləcə də yerli sığortaçıların dünyagörüşünü genişləndirməyə imkan verəcək. Son vaxtlar mən sığorta şirkətlərinin əməkdaşları arasında rəqabət səviyyəsinin kəskin azalmasını müşahidə etməyə başlamışam", - Əliyev əlavə edib.

Onun sözlərinə görə, yeni kadrların və artıq mövcud kardların ixtisasının artırılması üçün Azərbaycanın sığorta şirkətlərində ilk növbədə şirkət rəhbərlərində öz komandasında güclü kardların olması ilə bağlı istək yaranmalıdır.

"Bu, kadrların yığılmasından tutmuş, əməkdaşların gələcək həyatının və onların peşəkarlığının artırılmasının izlənməsinə qədər məqsədyönlü işdir. Bəzən biz kobud pozuntuya yol verdiyinə və ya vəzifəsindən sui-istifadə etdiyinə görə işdən qovulan əməkdaşın digər şirkətdə demək olar ki, həmin vəzifədə "peyda" olduğunu, yaxud yeni işçi götürərək və onunla iki həftə işlədikdən sonra onun barəsində sadəcə olaraq "unudulduğunu" görürük", - Əliyev vurğulayıb.

Əliyevin sözlərinə görə, sığorta şirkətlərinin bəzi rəhbərləri öz personalları üçün treninqlərin maliyyələşdirilməsi üçün "simiclikdən" əl çəkməlidirlər.

Xəbər lenti

Xəbər lenti