...

Azərbaycan İpoteka Fondunun gəlirləri il ərzində 3 dəfə artıb

Biznes və iqtisadiyyat xəbərləri Materials 1 İyul 2011 20:12 (UTC +04:00)

Azərbaycan, Bakı, 1 iyul /Trend, müxbir A.Axundov/

Mərkəzi Bankın nəzdində fəaliyyət göstərən Azərbaycan İpoteka Fondunun (AİF) gəlirləri 2010-cu ilin yekunları üzrə 2,46 milyon manat təşkil edib. Bu, inişilin göstəricisini 3 dəfədən çox üstələyir. 2009-cu ildə fondun gəlirləri 0,8 milyon manat təşkil edib.

Fondun balans hesabatı cümə günü rəsmi mətbuatda dərc edilib.

AİF-in gəlirləri 2010-cu ildə dövlət büdcəsindən daxilolmalardan sonra 19,3 milyon manat olub. Bu, inişilin göstəricisini (11,96 faiz) 61,34 faiz üstələyir.

2010-cu ildə fondun ümumi aktivləri 240,634 milyon manat təşkil edib. Bu, bir əvvəlikindən 73,46 faiz çoxdur. Bu halda ümumi öhdəliklər 140,57 milyon manat təşkil edib, halbuki 2009-cu ildə onlar 57,97 milyon manata (2,42 dəfə artım) bərabər olub.

Aktivlərin 80 faizindən çoxu və ya 193,047 milyon manat 2010-cu ildə ipoteka kreditlərinin, 6,23 faiz və ya 14,997 milyon manat dövlət istiqrazlarının, eləcə də pul vəsaitlərinin, bina və avadanlıqların, digər likvid aktivlərin və s. payına düşüb.

2010-cu ildə AİF-in gəlirləri 8,47 milyon manat təşkil edib. Bu göstərici 2009-cu ildə 2,88 milyon manat olub, halbuki xərclər 6,02 milyon manat təşkil edib. 2009-cu ildə bu göstərici 2,07 milyon manat (2,9 dəfə artım) olub.

Gəlirlərin 94,6 faizi və ya 8,02 milyon manat verilən kreditlərin fazilərinin, 5,3 faizi və ya 0,45 milyon manat qeyri-adi gəlirlərin payına düşüb.

Fondun balans hesabatının auditi Beynəlxalq Auditor Şirkəti "Euro Audit MMC Nexia International" tərəfindən aparılıb.

İyulun 1-nə olan rəsmi məzənnə 0,7867 AZN/USD təşkil edir.

Xəbər lenti

Xəbər lenti