Azərbaycan, Bakı, 7 iyul /Trend, müxbir A.Axundov/
Azərbaycanın sığorta bazarı üçün 15-20 şirkətin olması kifayətdir. Azərbaycan maliyyə nazirinin müavini Azər Bayramov belə hesab edir.
"Şirkətlər özləri onların başqa şirkətlərlə birləşməli olduqlarını anlamalıdırlar. Biz bu prosesin süni şəkildə həyata keçirilməsini istəmirik", - Bayramov deyib.
Bu gün ölkədə 28 sığorta şirkəti, bir təkrarsığorta və altı broker şirkəti (o cümlədən xarici kapitalın iştirakı ilə beş) fəaliyyət göstərir.
Bank bazarından fərqli olaraq, ölkənin sığorta bazarında kapitallaşmanın aşağı olmasına baxmayaraq birləşmə haqqında qərar qəbul edilməsinə təsadüf olunmayıb. Bununla əlaqədar Dövlət Sığorta Nəzarəti Xisməti (DSNX) qanunvericiliyə uyğun addımlar atır və sığorta fəaliyyəti üzrə lisenziyanın geri alınmasınadək göstərişlər verməyə başlayıb.
Maliyyə Nazirliyi konkret fəaliyyətə 2010-cu ilin aprelində başlayıb. Sığorta fəaliyyəti üzrə müddətsiz lisenziyanın verilməsindən imtina edilən şirkətlərdən biri "Azİnvest Sığorta" olub. Dəfələrlə xəbərdarlıq olunmasına baxmayaraq, şirkət məcmu kapitalının artırılması və onun tələb olunan səviyyəyə çatdırılması üzrə tədbirlər görməyib. "Azİnvest Sığorta"nın kapitalı iki milyon manatlıq normativ üzrə hətta bir milyon manata çatmırdı.
Bu gün həmin tələb üç milyon manatadək artırılıb. Məcmu kapital şirkətin malik olduğu aktivlərin dəyərini xarakterizə edir.
İyulun 7-nə olan rəsmi məzənnə 0,7870 AZN/USD təşkil edir.
