...

Azərbaycan və Çin müəssisələrin investisiya risklərindən zəmanət üçün mexanizm yaradacaqlar

Biznes və iqtisadiyyat xəbərləri Materials 11 İyul 2011 19:19 (UTC +04:00)

Trend-i buradan izləyin

Azərbaycan, Bakı, 11 iyul /Trend, müxbir A.Axundov/

Bazar ertəsi Azərbaycan və ÇXR-in Sinszyan-Uyğur Muxtar Respublikası (SUMR) arasında ticari-iqtisadi əməkdaşlıq üzrə işçi qrupunun birinci iclasında müəssisələrin investisiya risklərindən zəmanət üçün mexanizmin yaradılmasının vacibliyi qeyd olunub.

"Çin tərəfi kiçik və orta müəssisələrinin beynəlxalq investisiya fəaliyyəti üçün siyasi və maliyyə dəstəyinin gücləndirilməsinin, investisiya risklərinin qiymətləndirilməsi üçün dövlət səviyyəsində mexanizmin yaradılmasının, kiçik və orta müəssisələrə verilən bank kreditlərinin sığortalanması siyasətinin tətbiqinin vacibliyini qeyd edib ki, bu yolla da müəssisələrin investisiya risklərindən zəmanət üçün mexanizmin yaradılması təmin olunur", - iclasın yekunu üzrə qəbul edilən protokolda deyilir.

Bununla yanaşı, hər iki tərəf investisiya layihələri çərçivəsində informasiya mübadiləsi üçün hazır olduqlarını ifadə ediblər.

"Tərəflər ikitərəfli ticarət həcmlərinin gələcəkdə genişləndirilməsi, eyni zamanda, neft-kimya, elektrik enerjisi, elektrotexnika, kənd təsərrüfatı məhsullarının istehsalı və s. sahələrdə müəssisələri əməkdaşlığın inkişafı və qurulması üçün stimullaşdırmaq məqsədilə aktiv tədbirlər görəcəklər", - protokolda bildirilir.

Tərəflər maliyyə və bank sahələrində əməkdaşlığın inkişafının vacibliyini qeyd ediblər. Banklar arasında əməkdaşlığa yardım göstərilməsi, Azərbaycanda ticarət şəbəkələrinin artırılması üzrə Çinin kommersiya banklarının stimullaşdırılması ilə bağlı qərar qəbul edilib, iki ölkənin maliyyə qurumları arasında qarşılıqlı hesablaşmaların effektivliyinin artırılması haqında məsələ müzakirə olunub.

Tərəflər yerli özünüidarəetmə orqanları arasında ikitərəfli əlaqələri möhkəmləndirmək və inkişaf etdirmək, malların ixracı və idxalı üzrə qanunvericilik sahəsində məlumat mübadiləsi aparmaq və əməkdaşlığa yardım etmək, ticarətin stimullaşdırılması üzrə müntəzəm tədbirlər keçirmək, eləcə də ticarət nümayəndəliklərinin mübadiləsinin təşkili, sərgi və yarmarkaların təşkili məqsədilə sərgi eksponatları və nəqliyyat vasitələrinin müvəqqəti gətirilməsi üzrə qarşılıqlı yardımın göstərilməsi barədə də razılığa gəliblər.

"Azərbaycan tərəfi ölkə şirkətlərinin "Çin-Avrasiya" sərgisində iştirakının təşviqinə hazırlığını ifadə edərək, bununla da SUMR-in güzəştli investisiya siyasəti ilə tanışlıq və yeni işgüzar əlaqələrin qurulması kampaniyasına həvəsləndirib", - protokolda deyilir.

Xəbər lenti

Xəbər lenti