Azərbaycan, Bakı, 28 sentyabr /Trend, müxbir E.İsmayılov/
2011-ci ildə Azərbaycan və Rusiya mal dövriyyəsinin həcmi üzrə 2,8-3 milyard dollar səviyyəsində rekord göstərici əldə edəcək. Bu barədə Rusiyanın Azərbaycandakı ticarət nümayəndəsi Yuri Şedrin Bakıda çərşənbə günü jurnalistlərə bildirib.
"Azərbaycanla Rusiya arasında mal dövriyyəsinin rekord göstəricisinə 2008-ci ildə nail olunub və o, 2,4 milyard dollar təşkil edib", - Şedrin deyib.
Onun sözlərinə görə, 2011-ci il iyulun 1-dən Rusiyada taxıl ixracına embarqo qoyulması, eləcə də Azərbaycandan təbii qazın artan ixrac həcmləri nəzərə alınmaqla yeni rekord səviyyəyə nail olmaq mümkün olacaq.
"İxracatçı ölkələr arasında Azərbaycan Respublikasının lider mövqeyini qoruyub saxlamaqla Rusiya bu ölkənin ümumi idxalında öz payını 2010-cu ilin yekunları üzrə 17,4 faiz, 2011-ci ilin yanvar-avqustunda 18,5 faizədək artırıb, neft və neft məhsulları nəzərə alınmadan isə Azərbaycandan məhsulların əsas idxalçısı kimi öz mövqelərini möhkəmləndirib", - Şedrin deyib.
Azərbaycan Dövləvt Gömrük Komitəsinin məlumatına görə, yanvar-avqust aylarının yekunları üzrə ölkələr arasında mal dövriyyəsi ötən ilin analoji dövrü ilə müqayisədə 62,9 faiz artımıla 1,92 milyard dollar təşkil edib.
Bununla yanaşı, Rusiyadan ixrac 72,7 faiz artaraq 832,3 milyon dollar, Rusiyadan idxal 56,1 faiz artaraq 1,085 milyarad dollar təşkil edib.
Xarici ticarət dövriyyəsində mənfi saldo 253,1 milyon dollar olub.
Onun sözlərinə görə, ikitərəfli ticari-iqtisadi əlaqələrin strukturu kifayət qədər fərqli olaraq qalır. Rusiya ixracının 90 faizə yaxınını dərin emal məhsulları təşkil edir.
Rusiyanın əsas ixrac malları ərzaq, maşınlar, avadanlıq və nəqliyyat vasitələri, ağac və sellüloz-kağız məmulatları, kimyəvi məhsullar, elektrik enerjisi, qara və əlvan metallardır.