Azərbaycan, Bakı, 28 sentyabr /Trend, müxbir E.İsmayılov/
Naxçıvan Avtomobil Zavodu (NAZ) Azərbaycan Əmək və Əhalinin Sosial Müdafiəsi Nazirliyi ilə 304 ədəd "Lifan" markalı avtomobilin tədarükü üzrə saziş imzalayıb. Bu barədə Trend-ə çərşənbə günü NAZ-ın direktoru Musa Abdullayev deyib.
Onun sözlərinə görə, zavodun nazirliyə tədarük edəcəyi avtomobillər əhalinin güzəştli təbəqəsinə təqdim olunacaq.
Naxçıvan Avtomobil Zavodunun tikintisi 2008-ci ildə başlayıb. O, cari il yanvarın 11-də istismara verilib.
2009-cu ilin mayında Pekində keçirilən Azərbaycan-Çin biznes forumu çərçivəsində NAZ və "Chongqing Lifan Industry (Group) Imp.& Exp. Co., Ltd" Avtomobil Korporasiyası arasında əməkdaşlıq haqqında müqavilə imzalanıb.
Müqavilə "Lifan" markalı minik avtomobillərinin Naxçıvanda yığılmasını nəzərdə tutur.
Zavodda Almaniya, Belçika və İtaliya istehsallı avadanlığın son modellərindən istifadə olunur. NAZ-ın ümumi ərazisi 2,6 hektar təşkil edir. Zavodun gücü ildə beş min avtomobil istehsalından ibarətdir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
