Azərbaycan, Bakı, 8 dekabr /Trend, müxbir E.İsmayılov/
İlin sonunadək Baku Taxi Company daha 200 ədəd London Taxi TX4 avtomobili ala bilər. Bu barədə cümə axşamı Trend-ə Azərbaycanın Nəqliyyat Nazirliyindən məlumat verilib.
Məlumata görə, artıq gələn həftədən tədricən Bakı küçələrində paytaxta gətirilən 200 ədəd yeni taksilər görünməyə başlayacaq.
"İlin sonunadək avtomobillərin daha bir partiyasının gətiriləcəyi gözlənilir", - Nəqliyyat Nazirliyindən bildiriblər.
Hazırda Bakının küçələrində 300 ədəd bənövşəyi rəngli London Taxi TX4 avtomobilləri xidmət göstərir.
Azərbaycan Nəqliyyat Nazirliyinin elan etdiyi "Bakıda taksi parkının London Taxi TX4 markalı avtomaşınlara dəyişdirilməsi" proqramı çərçivəsində yeni "Baku Taxi Company" şirkəti yaradılıb.
"Manganese Bronze Holdings PLC" və Çinin avtomobil istehsalçısı "Geely Automobile Holdings Limited"in birgə müəssisəsi olan "Shanghai LTI" şirkətinin bu taksilərinin 2011-ci ildə Bakıya tədarükü üzrə saziş London şirkəti üçün ən iri müqavilədir. Sifarişin ümumi dəyəri 27 milyon dollara yaxındır.
Azərbaycan Nəqliyyat Nazirliyindən bir qədər əvvəl bildirmişdilər ki, Bakıya ümumilikdə üç minədək yeni taksinin gətirilməsi planlaşdırlır.
