Azərbaycan, Bakı, 6 yanvar / Trend, müxbir F.Milad/
İkitərəfli ticarətdə milli valyutadan istifadə qarşılıqlı iqtisadi münasibətlərə təkan vermək üçün vacibdir. Bu, İran və Rusiya prezidentləri Mahmud Əhmədinejad və Dmitri Medvedev arasında cümə axşamı baş tutan telefon söhbəti zamanı qeyd olunub. Bununla yanaşı, qeyd olunub ki, ikitərəfli razılaşmalarda ABŞ dollarından istifadə olunmamalıdır. Trend-in məlumatına görə, bu barədə İranın MAHR agentliyi məlumat verib.
Press TV-nin verdiyi xəbərə görə, İranın xarici işlər naziri Əli Əkbər Salehi iki ölkə arasında mal dövriyyəsinin həcminin 10 milyard dollara çata biləcəyini bəyan edib və eyni zamanda, qeyd edib ki, qarşılıqlı ticarətin hazırkı həcmi səsləndirilən rəqəmdən nəzərəçarpacaq dərəcədə geri qalır.
