Azərbaycan, Bakı, 11 yanvar /Trend, müxbir E.İsmayılov/
"Azərbaycan Hava Yolları" QSC-nin Gəncə-Bakı marşrutu üzrə həyata keçirdiyi aviareys paytaxta gecikmə ilə eniş edəcək. Bu barədə çərşənbə günü Trend-ə Heydər Əliyev Beynəlxalq Hava Limanından məlumat veriblər.
Məlumata əsasən, təyyarənin Gəncədən gəlişinin yubanmasına səbəb onun Bakıdan gec uçmasıdır.
"Təyyarə artıq Gəncədən uçmalıdır", - aeroportdan deyiblər.
Gəncədən Bakıya uçuş müddəti 1 saatdır.
Aeroportdan təyyarənin Bakıdan gec uçuşunun səbəblərini açıqlamayıblar.
Bakı-Gəncə və ya Gəncə-Bakı aviareysinin bir tərəfə biletinin qiyməti 40 manat təşkil edir.