Azərbaycan, Bakı, 30 yanvar / Trend müxbir E.İsmayılov/
"Azərbaycan Hava Yolları" QSC-nin reallaşdırdığı və Bakıdan saat 23:55-də uçmalı olan Bakı-Naxçıvan aviareysi təxirə salınıb. Bu barədə bazar ertəsi Trend-ə Heydər Əliyev Beynəlxalq Aeroportundan məlumat verilib.
"Bakı-Naxçıvan marşrutu üzrə J2 257 gecə aviareysi təxirə salınıb", - aeroportdan bildiriblər.
Aviareysin təxirə salınmasının səbəbləri göstərilməyib. Reys A320-200 markalı təyyarə ilə həyata keçirilməli idi.