Azərbaycan, Bakı, 1 mart/ Trend müxbir A.Axundov/
Azərbaycanın vergilər naziri Fazil Məmmədovun rəhbərlik etdiyi nümayəndə heyəti Litvaya səfər edəcək. Bu barədə cümə axşamı Trend-ə Azərbaycan İxracın və İnvestisiyaların Təşviqi Fondundan (AZPROMO) bildiriblər.
Məmmədov ticari-iqtisadi əməkdaşlıq üzrə Azərbaycan-Litva hökumətlərarası komissiyasının həmsədridir.
Nümayəndə heyəti martın 4-dən 7-dək Litvada olacaq və azad iqtisadi zonaların yaradılması təcrübəsi ilə tanış olmaq üçün Kaunas və Klaypedə səfər edəcək.
Fondun məlumatında bildirilir ki, Azərbaycanın nümayəndə heyətinin siyahısı artıq dəqiqləşdirilir.
Litva İKT, daşınmaz əmlak kadastrının aparılması, alternativ enerji mənbələrindən istifadə və ətraf mühitin mühafizəsi kimi sahələrin inkişafında təcrübəyə malikdir. Qida sənayesi sahəsində Litva süd məhsulları, ketçup və başqa ərzaqların istehsalı və satışı ilə məşhurdur.
Litvalı sahibkarlar biznesin bu istiqamətinin inkişafı üçün bu sahədə Azərbaycanla gələcək tərəfdaşlıq əlaqələrinin inkişafında maraqlıdırlar.
