AİB Azərbaycanın maliyyə sektorunun kreditləşdirilməsinin bərpası üçün potensial görür
Azərbaycan, Bakı, 15 mart /Trend, müxbir A.Axundov/
Azərbaycanın maliyyə sektorundakı vəziyyət Asiya İnkişaf Bankına (AİB) bu sahədə layihələrin maliyyələşdirilməsini bərpa etməyə imkan verir. Trend-in məlumatına görə, bu barədə cümə axşamı jurnalistlərə AİB-in Azərbaycandakı nümayəndəsi Olli Noroyono bildirib.
"Biz yerli kommersiya banklarına yeni kreditlərin verilməsi üçün potensial görürük", - Noroyono deyib.
Onun sözlərinə görə, AİB-in maliyyə sektoru üzrə missiyasının səfəri təxirə salınıb.
"Bu missiyanın səfəri ilə bağlı bəzi yubanmalar var. Missiyanın apreldə gəlməsi ehtimal edilir. Biz ümid edirik ki, missiya müsbət qiymətlər verəcək", - Noroyono qeyd edib.
