Azərbaycan, Bakı, 28 mart /Trend, müxbir A.Axundov/
Dünya Bankı (DB) Azərbaycanda məcburi köçkünlərin həyat şəraitinin və gəlirlərinin yaxşılaşdırılması üzrə yeni layihənin icmalını keçirəcək. Bu barədə çərşənbə günü Trend-ə DB-nin Bakı nümayəndəliyindən məlumat verilib.
Layihə çərçivəsində işlərə fevralda başlanılıb.
"Layihənin rəhbəri İoann de Berrinin başçılıq etdiyi missiya hazırda Bakıdadır", - DB-dən deyiblər.
Missiyanın səfəri martın 26-da başlayıb və aprelin 4-dək davam edəcək.
Bu, ölkədəki məcburi köçkünlərin rifahının yaxşılaşdırılması sahəsində sayca üçüncü layihədir.
