...

Azərbaycanda icbari sığortanın avtomatlaşdırılması genişlənir

Biznes və iqtisadiyyat xəbərləri Materials 3 Aprel 2012 17:25 (UTC +04:00)

Azərbaycan, Bakı, 3 aprel /Trend, müxbir A.Axundov/

İcbari Sığorta Bürosu "İcbari sığortalar haqqında" yeni qanunun tənzimlədiyi bütün icbari növlər üzrə müqavilələrin bağlanması prosesini avtomatlaşdırmaq niyyətindədir. Bu barədə çərşənbə axşamı Trend-ə bürodan məlumat veriblər.

Hazırda müqavilələr büronun informasiya sistemi vasitəsilə yalnız nəqliyyat vasitələri sahiblərinin mülki məsuliyətinin icbari sığortası (NVSMMİS) üzrə bağlanır.

"Biz qalan üç növ üçün belə informasiya sisteminin tətbiq edilməsi üzərində işləyirik. Hazırda konsepsiya üzərində iş aparılır. Müvafiq proqram təminatının hazırlanması gec başlayacaq", - bürodan qeyd ediblər.

Məlumata əsasən, yeni sistemlərin tam tətbiqinin cari ilin sonunda və ya 2013-cü ilin ilk yarısında başa çatdırılması planlaşdırılır.

"Yeni sistemlərin hazırlanması zamanı sistemin çatışmazlıqları nəzərə alınacaq və aradan qaldırılacaq", - bürodan deyiblər.

Xəbər lenti

Xəbər lenti