Azərbaycan, Bakı, 25 aprel /Trend, müxbir Ə.Həsənov/
Dağıstanın Baş nazirinin müavini Rizvan Qazıməhəmmədovun başçılıq etdiyi nümayəndə heyətinin Bakıya rəsmi səfəri zamanı aprelin 26-da iş adamlarının görüşü baş tutacaq. Bu barədə çərşənbə günü Trend-ə Azərbaycanda İxracın və İnvestisiyaların Təşviqi Fondundan (AZPROMO) bildiriblər.
Biznes görüşü çərçivəsində Dağıstanın investisiya imkanları və investisiya sahəsinin təqdimatı keçiriləcək.
Nümayəndə heyətinin tərkibinə ağır sənaye, maşınqayırma, kənd təsərrüfatı, qida sənayesi, turizm, nəqliyyat və digər sahələrdə ixtisaslaşan şirkətlərin nümayəndələri daxil olacaq.
Görüş zamanı hər hansısa müqavilənin imzalanması gözlənilmir.
