Azərbaycan, Bakı, 7 iyul /Trend, müxbir Ə.Həsənov/
2011-ci ilin may ayında Azərbaycan banklarının depozit bazası 1,46 faiz, 2011-ci ilin mayı ilə müqayisədə isə 24,19 faiz artıb. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
İyunun 1-nə olan məlumata görə, bank depozitlərinin, hüquqi və fiziki şəxslərin əmanətlərinin ümumi həcmi 2012-ci il mayın əvvəlinə olan 9870 milyon manat və 2011-ci il iyunun əvvəlinə olan 7959,1 milyon manata nisbətdə 9884,5 milyon manat təşkil edib.
Ümumi həcmin 4411,6 milyon manatı manatla olan vəsaitlərin, 5472,9 milyon manatı isə xarici valyutanın payına düşüb.
May ayı ərzində fiziki şəxslərin əmanətləri 0,06 faiz, hüquqi şəxslərin depozitlərinin həcmi isə 0,21 faiz artıb. 2011-ci ilin may ayı ilə müqayisədə fərdi müştərilərin depozitləri 30,7 faiz, korporativ müştərilərin depozitləri isə 19,5 faiz artıb.
İyunun əvvəlinə fiziki şəxslərin ölkənin banklarındakı əmanətlərinin həcmi 4341,7 milyon manat təşkil edib. Bu göstərici mayın 1-nə 4338,8 milyon manat, 2011-cu il iyunun 1-nə isə 3321,5 milyon manat olub.
İyunun əvvəlinə hüquqi şəxslərin depozitlərinin həcmi 5542,8 milyon manat təşkil edib. Bu göstərici mayın əvvəlinə 5531,2 milyon manat, iyunun 1-nə isə 4431,7 milyon manat olub.
İyunun əvvəlinə qeyri-maliyyə təşkilatlarının depozitlərinin həcmi 3092,1 milyon manat olub. Bu göstərici mayın əvvəlinə 3051,3 milyon manat, 2011-ci il iyunun 1-nə isə 2407,9 milyon manat təşkil edib.
