Azərbaycan, Bakı, 16 avqust /Trend, müxbir İ.Xəlilova/
Yanvar-iyulda Azərbaycanda tikinti işlərinin həcmi ötən ilin analoji dövrü ilə müqayisədə 32,9 faiz artıb. Trend-in məlumatına görə, bu barədə Dövlət Statistika Komitəsinin hesabatında deyilir.
O cümlədən dövlət şirkətləri tərəfindən həyata keçirilmiş tikinti işlərinin həcmi ümumi işlərin 24,5 faizini təşkil edib. Özəl şirkətlərdə isə bu göstərici 75,5 faiz olub.
Tikinti işlərinin ümumi həcmindən 73,6 faiz ilkin tikinti, yenidənqurma və genişləndirmə işlərinin, 13 faiz əsaslı təmir, 2,4 faiz cari təmir, 11 faiz isə digər tikinti işlərinin payına düşüb.
2012-ci ilin yanvar-iyulunda Azərbaycanda təhvil verilən mənzillərin həcmi ötən ilin analoji dövrü ilə müqayisədə 9,4 faiz azalıb.
Dövlət Komitəsinin məlumatına görə, bu ilin 7 ayı ərzində 922 min kvadratmetr metr mənzil istifadəyə verilib.
Avqustun 16-na rəsmi məzənnə 0,7855 AZN/USD təşkil edir.
