Azərbaycan, Bakı, 12 sentyabr /Trend, müxbir E.İsmayılov/
Qazaxıxstanın "Air Astana" aviareysinin reallaşdırdığı Astana-Bakı aviareysi yubanır. Bu barədə çərşənbə günü Trend-ə Heydər Əliyev Beynəlxalq Hava Limanından bildirilib.
Cədvələ görə, təyyarə yerli vaxtla saat 12:55-də Bakıda yerə enməli idi.
"Lakin reys yubanır və onun yerə enəcəyi vaxt haqqında dəqiq məlumat yoxdur", - aeroportdan bildiriblər.
Müvafiq olaraq, təyyarənin gəlişinin yubanmasına görə yerli vaxtla 13:55-də havaya qalxmalı olan Bakı-Astana aviareysi də yubanır.