...

Azərbaycanda yeni limanın tikintisi çərçivəsində işlərin bir hissəsi gələn il başa çatacaq

Biznes və iqtisadiyyat xəbərləri Materials 30 Noyabr 2012 15:13 (UTC +04:00)

Azərbaycan, Bakı, 30 noyabr /Trend, müxbir E.İsmayılov/

Azərbaycanda yeni beynəlxalq ticarət limanının tikintisinin birinci mərhələsi çərçivəsində işlər 2013-cü ilin sonuna başa çatacaq. Bu barədə cümə günü Trend-ə Nəqliyyat Nazirliyinin ictimaiyyətlə əlaqələr şöbəsinin müdiri Namiq Həsənov deyib.

Onun sözlərinə görə, hazırda yeni limanın tikintisi çərçivəsində işlər davam edir və qrafikə uyğun aparılır.

"Tikinti işləri davam edir və işlərin qrafik üzrə həyata keçirilməsi ilə bağlı heç bir problem yoxdur", - Həsənov qeyd edib.

Nazirlik rəsmisinin sözlərinə görə, limanın tikintisinin tam başa çatdırılması 2015-ci ildə planlaşdırılır.

Qeyd edək ki, Ələt qəsəbəsində yerləşən yeni beynəlxalq limanın tikintisinə 2010-cu ilin noyabrında başlanılıb.

Məqalədə:
Xəbər lenti

Xəbər lenti