Azərbaycan, Bakı, 26 yanvar /Trend, müxbir A.Axundov/
Nazirlər Kabineti "Sumqayıt Kimya Texnoloji Park" MMC-nin İqtisadi İnkişaf Nazirliyinin tabeliyindəki, lakin qurumun strukturuna daxil olmayan təşkilatların siyahısına daxil edilməsi barədə qərar qəbul edib. Trend-in məlumatına görə, bu barədə şənbə günü Nazirlər Kabinetinin rəsmi mətbuatda dərc edilən məlumatında deyilir.
Bundan başqa, qərara əsasən, müvafiq siyahıya daxil olan "İstehlak Mallarının Ekspertizası Bürosu" MMC-nin adı "İstehlak Mallarının Ekspertiza Mərkəzi" MMC-yə dəyişdirilib.
Nazirlər Kabineti, həmçinin Vergilər Nazirliyinin tabeliyindəki, lakin onun strukturuna daxil olmayan təşkilatların siyahısının təsdiq edilməsi barədə qərar qəbul edib.
Siyahıya Vergilər Nazirliyi yanında Təlim Mərkəzi daxil edilib.