Azərbaycan, Bakı, 23 mart /Trend/
Avrozonanın maliyyə nazirləri Kiprə yardımın edilməsi üçün sabah toplantı keçirəcək. Trend-in RBK-ya istinadən verdiyi məlumata görə, bunu diplomatik mənbələr yayıb.
Məlumatda deyilir ki, Avropa qrupunun rəhbəri Yerqen Deysselblum Kiprin Avrozonada qalması üçün bütün imkanları səfərbər edəcəklərini bildirib.
Xatırladaq ki, Kipr hökuməti BVF-dən 10 milyard avro vəsait almaq üçün 5.8 milyard avro yığmalı idi. Lakin bu vəsaitin bankların depozitinə vergi qoymaqla reallaşdırılması planları parlament tərəfindən qəbul edilməyib.